Буа районында яшәүче дүрт ир-егет, РФ Саклану министрлыгы белән контракт төзеп, бүген махсус хәрби операция зонасына хезмәт итәргә китте. Хәрби комиссариат янына аларны озатырга туганнары һәм якыннары килде, районның хәрби комиссары инструкцияләр бирде. Бу хакта «Татар-информ» хәбәрчесе Александра Давыдова яза.
«Иптәшләрем махсус хәрби операция зонасына китте инде, минем дә читтә каласым килми. Үзем дә туган илне сакларга телим. Әгәр без булмасак, кем? Иң мөһиме – исән-сау әйләнеп кайту», - диде Яңа Чәчкап авылыннан Илсур Зиннуров.
Әнисе Рәмзия Әхмәтова борчылуын яшермәде, әмма улы белән бик тә горурлануын әйтте. Аның кайтышына улының әби-бабасы яшәгән авылдагы йортны торгызырга вәгъдә итте.
Директоры Газинур Хәким җитәкчелегендәге Буа элеваторы коллективы үз хезмәткәрен махсус хәрби операция зонасына озатырга килгән иде. Ир-ат барлык мәсьәләләрдә дә хәрбинең гаиләсенә ярдәм күрсәтергә ышандырды.
«Хезмәткәребезне озатабыз, ул бездә автобус йөртүче булып эшләде. Аның хатыны һәм балалары белән шәхсән үзем сөйләштем, алар махсус хәрби операция зонасына китү карары белән килеште. Без бер тапкыр 150 мең сум күләмендә акча бирдек, теләсә кайсы мәсьәләдә гаиләгә ярдәм күрсәтергә вәгъдә итәм», - дип искәртте Хәким.
