Төркия лидеры Рәҗәп Тайип Эрдоган Россия Президенты Владимир Путинны үз республикаларына чакырды. Россия лидерын якын арада сәфәр белән көтәләр.
«Мин, әлбәттә, Сезне мөмкин кадәр тизрәк безнең илдә кабул итәргә өметләнәм», — дип китерә Эрдоганның сүзләрен ТАСС. Искәртик, лидерлар Астанада Шанхай хезмәттәшлеге оешмасы саммитында очрашты.
Шулай ук Эрдоган Төркия өчен Россиядән килгән 7 миллионга якын туристка хезмәт күрсәтү мөһим, дип өстәде.
«Безнең бу мәсьәләдәге эчкерсез позициябез саклана. Россия туристлары Төркиядән канәгать булганда без шул ук рухта эш итүебезне дәвам итәчәкбез», — дип йомгаклый ул.
