Казанның 18 номерлы мәктәбе укучысы Полина Романенко БДИдан 398 балл җыйган. Бу хакта шәһәрнең мәгариф идарәсе телеграм-каналында хәбәр ителә.
Унберенче сыйныф укучысы тарих, әдәбият һәм рус теленнән имтиханны йөзәр баллга, ә инглиз теленнән БДИны 98 баллга тапшырган.
Булачак чыгарылыш сыйныф укучыларына мөрәҗәгать итеп, кыз сабырлык һәм тырышлык теләде. Нәкъ менә алар – уңышның нигезе, дип саный Полина Романенко.
«Сез моны нәрсә өчен эшләгәнегезне аңларга, максат куярга һәм аңа ирешергә тырышырга тиеш. Бар да файдасыз булып тоелыр, әмма барысы да барып чыгачак, ышаныгыз! Сезгә уңышлар һәм тырышлык телим, чөнки зур талант зур тырышлыкны таләп итә», - дип киңәш бирде чыгарылыш сыйныф укучысы.
Моңарчы «Татар-информ» бердәм дәүләт имтиханын өч фәннән 300 баллга тапшырган Әлмәт мәктәп укучысы Анастасия Князева турында язды.
