Узган шимбәдә Татарстанның Яшел Үзән районындагы Идел-Кама биосфера тыюлыгында урман түшәмәсе һәм чыбык-чабыкка ут капкан. Бу торак пунктка куркыныч тудырмаган. Россия Гадәттән тыш хәлләр министрлыгының ТР буенча Баш идарәсендә шулай дип белдерделәр.
Янгынны сүндерүгә Яшел Үзән урманчылыгы, Идел-Кама тыюлыгы көчләре һәм чаралары җәлеп ителгән. Аларның көйле эшләве нәтиҗәсендә икенче көнне төш уртасында янгын тулысынча сүндерелгән. Гадәттән тыш хәлләр министрлыгы көчләре җәлеп ителмәгән.