Бүген, 28 июнь, һәм иртәгә, 29 июньдә, Татарстанда янә һава торышы шартлары начарлана – төньяк һәм төньяк-көнчыгыштан исүче көчле җил көтелә. Бу хакта ТР Гидрометеорология үзәге хәбәр итә.
Җомга кич һәм шимбәгә каршы төндә җилнең тизлеге секундына 15-17 метрдан артмаячак, әмма 29 көнне көндез аның тизлеге секундына 16-21 метрга (Казанда секундына 18 метр гына) кадәр җитәчәк.
Бофорт шкаласы буенча, секундына 13,9-17,1 метр тизлек белән исүче җил көчле, секундына 17,2-20,7 метр тизлектәгесе бик көчле, ә секундына 20,8-24,4 метр тизлек белән исүчесе давыллы дип атала.
