Бүген Галимҗан Ибраһимов исемендәге Тел, әдәбият һәм сәнгать институты директоры буларак Ким Миңнуллинның соңгы эш көне. Кичә ул коллегаларына гыйльми советта рәис буларак соңгы тапкыр катнашуын искәрткән.
«Әйе, бүген минем директор буларак соңгы эш көнем. Киләсе атнада яңа җитәкче тәкъдим ителер дип көтәбез», диде Ким Миңнуллин «Татар-информ» хәбәрчесенә.
Ул алга таба институтта фәнни хезмәткәр булып калып фән белән шөгыльләнергә планлаштыруын әйтте. «Дөнья үзгәрә, чор үзгәрә, академик фәнгә дә яңача караш формалаша, институт белән җитәкчелек итергә дә башка кешеләр кирәк», диде ул.