Казанда Абдулла Алиш исемендәге балалар иҗаты сараен ремонтлау өчен якынча 700 миллион сум кирәк. Бу хакта Казан шәһәр Думасының XXX сессиясе кысаларында Казан Башкарма комитетының Финанс идарәсе башлыгы Ирек Мөхәммәтшин сөйләде, дип яза «Татар-информ» хәбәрчесе Александра Давыдова.
«Билгеле булганча, якынча 700 миллион сум кирәк. Мондый зур объектларда ремонт эшләре гадәттә республика программалары хисабына башкарыла», - диде ул.
Проект документациясе инде әзер һәм экспертизаны тулысынча узган. Тиздән ведомство структуралары республика хакимиятенә финанслауда ярдәм сорап мөрәҗәгать итәргә планлаштыра.
