Люберцы шәһәре татар милли-мәдәни автономиясе чакыруы буенча «Мирас» ансамбле 21 майда шәһәр мәдәни-агарту үзәге сәхнәсендә зур концерт куйган. Бу хакта «Мәскәү шәһәре татар милли-мәдәни автономиясе» төбәк иҗтимагый оешмасы хәбәр итә.
«Гаилә учагы» дип аталган концерт ял көнендә Татар мәдәни үзәге коллективы чыгышын карарга килгән тамашачылар өчен чын бәйрәм булды. Кичәдән соң концерт катнашучылары һәм кунаклары традицион татар ризыгыннан сыйланды, диелә хәбәрдә.