Татарстан Республикасының элеккеге Мәгариф һәм фән министры һәм Актаныш районы башлыгы Энгель Фәттахов ришвәт алуда шикләнелә. Бу турыда «Татар-информ» яза.
Тикшерү версиясе буенча, 2018-2020 еллар аралыгында ул төзелеш компаниясе вәкиленнән аеруча зур күләмдә ришвәт алган, дип хәбәр итәләр РФ Тикшерү комитетының ТР буенча тикшерү идарәсендә.
Эш материаллары буенча, район объектларында төзелеш-ремонт эшләрен башкару, аерым алганда «Яшьлек» яшьләр үзәге бинасына 28 миллион сумнан артык бәягә капиталь ремонт ясау, өчен подряд килешүләрен төзүдә һәм вакытында түләүдә ярдәм итү өчен, районның элеккеге башлыгы Актаныш авылында үзенең шәхси йортын реконструкцияләү рәвешендә 21,8 миллион сумнан артык ришвәт алган.
Кичә кич Татарстан Республикасының элеккеге мәгариф һәм фән министры һәм Актаныш районы башлыгы Энгель Фәттахов тоткарланды.
Хәзерге вакытта тикшерү элеккеге чиновникка карата сак астына алу рәвешендә сак чарасы сайлауны сорап судка мөрәҗәгать итәргә ниятли.
