Апас районы Әппәз авылында Бөек Җиңүнең 79 еллыгы уңаеннан, Бөек Ватан сугышы ветераннары һәм яу кырында һәлак булган каһарманнар истәлегенә агачлар утырттылар. Бу эшкә район башлыгы Айрат Җиһаншин да бик теләп үз өлешен кертте. Бу хакта «Апастово-информ» хәбрә итә.
«Яз җитү белән районда җирлекне яшелләндерү, матурлык өстәү максатыннан чаралар уза. Бүгенге көндә Әппәздә 5000 төп нарат үсентесе утыртылды. Изге эш районнан читтә яшәүче якташлар тырышлыгы һәм ярдәме белән оештырылды. Салкын һава торышы булуга да карамастан, районда яшәүчеләр бик теләп кушылды. Барлык оештыручыларга, хезмәт коллективларына, җитәкчеләргә рәхмәтемне белдерәм. Без утырткан агачлар Апасны яшеллеккә күмсен, ямь өстәсен. Безгә тыныч тормыш бүләк иткән каһарманнарга якты истәлек булсын», - дип теләде район башлыгы Айрат Җиһаншин.
«Хәтер бакчасы» акциясенә оешма-предприятие хезмәткәрләре, кушылды. Һәркем Ватан өчен гомерләрен биргән райондашлар истәлеген мәңгеләштерү эшенә өлеш кертүне бурычлары итеп санады.
