Хөкүмәт IT-тармакның алгарышлы үсешенә һәм бу юнәлештә фәнни эшләр белән тикшеренүләргә 130 млрд сум акча юнәлдерәчәк. Бу хакта «Data Fusion: Зур мәгълүматлар дәвере» конференциясенең пленар сессиясе вакытында Россия вице-премьеры Дмитрий Чернышенко белдерде.
Ул искәрткәнчә, Россия Президенты Владимир Путин йөкләмәсе буенча «Мәгълүматлар икътисады» илкүләм проекты буенча эш алып барыла.
«Аның кысаларында без икътисадның һәм дәүләт идарәсенең төп өлкәләрен цифрлы платформалар белән тәэмин итү бурычын куйдык, алар дәүләт функцияләрен үтәү һәм яңа технологияләр, шулай ук ясалма интеллект кулланып хезмәт күрсәтү өчен нигез булачак», - дип аңлатты Хөкүмәт рәисе урынбасары.
Аның сүзләренчә, 2030 елга илнең IT-тармагы үсешеннән нәтиҗә 11 трлн сумнан артырга тиеш, ә IT-белгечлекләр буенча тәмамлаучылар саны - 5 тапкыр. Моннан тыш, оешмаларның ясалма интеллект технологияләренә чыгымнары 7 тапкырга артачак.
Моңа хезмәт җитештерүчәнлеген арттыру һәм предприятиеләрнең Россия программасы тәэмин ителешенә күчүе нәтиҗәсендә ирешеп була.
Тармакка инвестицияләр җәлеп итү нәтиҗәсендә икътисадның үсеш темпларын 2 тапкыр, ә ясалма интеллект биремнәрен үтәүче суперкомпьютерларның җыелма куәтен 10 тапкыр арттыру мөмкин, дип өметләнәләр Хөкүмәттә.
