Әлмәттә барлык аз керемле гаиләләрдә тәрбияләнүче балаларга бүләкләр бирелә, бу балалар бакчасына йөрмәүчеләргә кагыла. Бу хакта «Әлмәт таңнары» яза.
Әлмәт районы башлыгының матбугат хезмәте хәбәр иткәнчә, аз керемле гаиләләрдән 0 яшьтән алып 7 яшькә кадәрге һәм мәктәпкәчә учреждениеләргә йөрмәгән балалар район мәгариф идарәсендә Яңа ел бүләкләре алачак.
Бүләкләрне Фәхретдин урамында 50нче йортта алырга мөмкин. Алар 310нчы бүлмәдә эш көннәрендә 8:00-17:00 сәгатьләрдә бирелә. 12:00-13:00 сәгатьтә – төшке аш.
Бүләк алу өчен ата-ана яки законлы вәкилнең дәүләт хезмәте сайтыннан бастырылган белешмә булырга тиеш, ул гаиләнең аз керемле булуын раслый. Шулай ук бала туу турында таныклыкның күчерелмәсе кирәк.