Татарстан Рәисе Рөстәм Миңнеханов Халыкара ришвәтчелеккә каршы көрәш көне уңаеннан республика халкына мөрәҗәгать итте.
«Хөрмәтле татарстанлылар!
9 декабрьдә ел саен Халыкара ришвәтчелеккә каршы көрәш көне билгеләп үтелә.
Россия Федерациясендә коррупциягә каршы тору — мөһим дәүләт бурычы. Коррупциягә каршы тору хакимиятнең барлык дәрәҗәләре һәм тармаклары алдында куела һәм закон чыгару һәм хокуклардан куллану эшендә өстенлек буларак хезмәт итә.
Татарстанда бу юнәлештә зур эш алып барыла. Коррупциягә каршы сәясәтнең төп принципларына ярашлы рәвештә дәүләт хакимияте органнарының һәм җирле үзидарә органнарының ачыклыгын, үтә күренмәлелеген тәэмин итүче чаралар үткәрелә.
Коррупция күренешләренең шактый кимүенә цифрлаштыру ярдәм итә. Бу өлештә республика системалары югары нәтиҗәлелек күрсәтә. Алар — хакимият органнарының дәүләт хезмәтләре күрсәткәндә халык белән электрон мәгълүмати хезмәттәшлеге, «Халык контроле», «Инцидент-менеджмент», сатып алу процедураларының төбәк мәгълүмати системасы һәм башкалар.
Әлбәттә, коррупциягә каршы тору — комплекслы һәм системалы эш. Ул хокук саклау органнары эшчәнлеге нәтиҗәләренә генә кайтып калмый. Гомумән алганда, җәмгыятьтә коррупциягә каршы үзаңны үстерү эшчәнлеген дәвам итү бик мөһим. Ришвәтчелекне кабул итмәү кечкенәдән формалашырга тиеш: башта — гаиләдә, аннары — мәктәптә һәм югары уку йортларында.
Җәмгыятьнең коррупция күренешләрен актив рәвештә кабул итмәве, битараф булмау, илдә уңай үзгәрешләр өчен шәхси җаваплылыкны аңлау – Россиянең уңышлы үсеше нигезе», – диелә мөрәҗәгатьтә.
