Татарстанда гомер озынлыгы арту өлкән яшьтәгеләрне тәрбияләү системасын үстерү турындагы мәсьәләне актуальләштерә. Бу юнәлеш Татарстан Хезмәт, халыкны эш белән тәэмин итү һәм социаль яклау министрлыгы эшендә 2024 елда өстенлекле булырга мөмкин. Бу хакта «Татар-информ»га «Восхождение» инвалидларны тернәкләндерү үзәге директоры Ольга Гончарова хәбәр итте.
«Татарстанлыларның, өлкән яшьтәге кешеләрнең гомер озынлыгы арта бара, һәм алар озак вакытлы тәрбиягә мохтаҗ. Халык картая, гомер озынлыгын арттыру тенденциясе даими чит кеше тәрбиясенә мохтаҗ кешеләр төркемен киңәйтә», - дип саный ул.
«Өлкән яшьтәге кешеләр өстәмә тәрбия чараларына мохтаҗ. Татарстан Хезмәт, халыкны эш белән тәэмин итү һәм социаль яклау министрлыгы тарафыннан, туганнары эшкә чыга алсын өчен, авырый торган кешене караучы хезмәте оештырылган. Моннан тыш, республикада көндез тору бүлекләре челтәре дә оештырылган. Эшкә сәләтле кешеләр өлкән яшьтәге туганнарын анда калдыра ала», - дип өстәде Гончарова.
