10 ноябрьдә Ульяновск дәүләт университетында милләтара квест узган. Бу хакта «Өмет» газетасы телеграмм-каналында хәбәр ителә.
«ЯшьTeam» Ульяновск өлкәсе татар яшьләре оешмасы әгъзалары анда татар милләте белән таныштыра. Алар татарларның гореф-гадәтләре, Ульяновск өлкәсе татар милли-мәдәни автономиясе һәм Татар мәдәнияте үзәге эшчәнлеге турында сөйләп, чарада катнашучыларны яшьләр командасының бер өлеше булырга чакыра.
Яшьләр шулай ук милли күргәзмә әзерләгән һәм квестның бер этабында татар сүзләрен өйрәнү өчен интерактив үткәргән.
Чара азагында концерт программасы да тәкъдим ителгән. Назлыгөл татар җырын башкарган, Татар мәдәнияте үзәге каршында эшләүче «Идел» бию ансамбленең халык коллективы бию тәкъдим иткән.
