Россия Тикшерү комитеты рәисе Александр Бастрыкин РФ Тикшерү комитетының ТР буенча идарәсе җитәкчесе Валерий Липскийга балигъ булмаган баланың үлеме турындагы җинаять эшен тикшерү турында хәбәр итәргә кушты. Бу хакта Россия Тикшерү комитетының матбугат хезмәтендә хәбәр иттеләр.
Искәртеп узабыз, кичә гаммәви мәгълүмат чаралары һәм социаль челтәрләрдә 16 яшьлек үсмернең муены авыртуга зарланып табибларга мөрәҗәгать итүе, әмма медикларның аны хастаханәгә салудан баш тартуы турында хәбәр чыкты. Икенче көнне ул өендә вафат булган.
Тикшерүчеләр «Саксызлык белән үлемгә китерү» маддәсе буенча җинаять эше кузгаткан.
Нәтиҗәдә, ведомство башлыгы җинаять эшен тикшерү турында хәбәр итәргә кушкан.