Яңартылган 1 мең сумлык номиналлы банкнотада Татар халкы һәм Татарстан Республикасы дәүләтчелек тарихы музееның, шулай ук Сөембикә манарасының барлыкка килүе ЮНЕСКО объектларын популярлаштыруга ярдәм итәчәк. Бу хакта «Татар-информ»га Татарстан мәдәни мирас объектларын саклау комитеты рәисе Иван Гущин сөйләде.
«Акча бүген коммуникация каналларының берсе булып тора. Минем уйлавымча, Россия купюрасында Сөембикә манарасы һәм Татар халкы һәм Татарстан Республикасы дәүләтчелек тарихы музее сурәтләнү архитектура объектларын һәм бөек тарихны хәтерләтәчәк», - диде Гущин.
Искәртик, кичә Үзәк банк яңартылган 1 мең һәм 5 мең сумлык банкноталарны тәкъдим итте. Аларда шулай ук Идел буе федераль округы һәм Урал күренешләре сурәтләнгән. Республиканың истәлекле урыннары яңа купюрада барлыкка килергә мөмкин икәнлеге 2021 елда ук билгеле булды.