21 октябрь көнне 10.00 сәгатьтә Азнакай районының Октябрь Бүләк авылы 100 еллык юбилеен билгеләп үтә. Ул Карамалы авыл җирлегенә керә. Бу хакта «Азнакай» сайтында хәбәр ителә.
Очрашуда озак еллар туган авылы колхозында бригадир булып эшләгән Әнәс ага Гадыев истәлеген мемориаль чакта да ачылачак. Бәйрәмнең төп өлеше авыл мәчете янәшәсендә дәвам итәчәк. Анда гасыр яшьтәше булган авылның үткәнен һәм бүгенгесен, аның уңган халкын яктырткан «Чагыллы Октябрь Бүләк» китабы презентациясе дә була.
«Барлык авыл халкын, читтә яшәүче якташларны, кунакларны әлеге күркәм бәйрәм чарасына көтеп калалар», диелгән хәбәрдә.