Уллыкка алу - фамилия алмаштыру, ягъни нәсел шәҗәрәсен үзгәртүгә китерә торган үзгәреш, – исламда тыелган. Әмма мөселманнар балага опекунлык рәсмиләштерә ала. Бу хакта «Казан нуры» мәчете имамы Наил хәзрәт Йосыпов «Татарстан — Яңа гасыр» телеканалында сөйләде.
«Әмма мөселманнарга, баланың физик һәм рухи үсеше турында кайгыртуны тәэмин итү өчен, опекунлыкны рәсмиләштерү мәгънәсендә уллыкка алу рөхсәт ителә. Опека — ул тәрбияләү өчен баланы өйгә кабул итү», - дип аңлатты ул.
