Бүген 12.58 сәгатьтә 112 бердәм номерына Клара Цеткин урамында урнашкан Казан Изге Ана һәм Серафим Саровский иконасы часовнясында янгын чыгуы хакында хәбәр килгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Урынга тиз арада Казан гарнизоны бүлекчәләре килгән.
Ут белән көрәшүчеләр 13.05 сәгатьтә янгынны сүндерүгә ирешкән.
Ведомствода билгеләп үтүләренчә, 5 квадрат метр мәйданда агач тамбурга ут капкан.
Моннан тыш, янгынны сүндерергә тырышкан вакытта часовня хезмәткәре зыян күргән. Аның кул чуклары пешкән. Урынга килгән табиблар зыян күрүчегә ярдәм иткән.
