Казан елга портын яңарту эшләрен «Татарстан Республикасы флоты» балансына тапшырганнан соң башлаячаклар. Мондый планнар якын киләчәккә билгеләнгән, дип яза «Казанские ведомсти» Татарстан Транспорт һәм юл хуҗалыгы министрлыгы җитәкчесе Фәрит Хәнифовка сылтама белән.
Әлегә төгәл проект юк һәм белгечләрнең тулы реконструкция яки капиталь ремонт ясаячаклары турында да төгәл билгеле түгел. Хәнифов сүзләренчә, алда торган эшләрне билгеләү өчен башта анализ һәм тулы тикшерү үткәрәчәкләр.
«Киләсе елларда реконструкция башланачак», - дип вәгъдә итте министр.
Елга портын «Татарстан флоты» балансына тапшыруны октябрьдә башлау планлаштырыла. Барлык процедуралар тәмамланганнан соң яңа ташучыга якынча 30 судно һәм причаллар белән елга портының бер өлеше тапшырыла, бина һәм йөк терминаллары белән «Татфлот» идарә итүен дәвам итәчәк.
Искәртик, «Татар-информ» хәбәр иткәнчә, «Татарстан флоты» сынау режимында круиз рейсларын башлап җибәрергә һәм 140 пассажирны сыйдыра торган «Павел Миронов» судносын ремонтларга планлаштыра.
