Бүген социаль челтәрләрдә Казанда автобус һәм КАМАЗ бәрелешүенең видеосы чыкты.
«Татар-информ» га шәһәр Дәүләт автоинспекциясендә сөйләүләренчә, пассажир автобусы уң ягы белән йөк машинасы кабинасына бәрелеп киткән.
Юл-транспорт һәлакәте Себер тракты һәм Ямашев киселешендә була.
Авариядә автобусның ике пассажиры зыян күрә. Берсен ашыгыч ярдәм машинасында хастаханәгә алып китәләр, икенчесе, табиблар тикшергәннән соң, хастаханәгә ятудан баш тарта.