5 августта Әлки районында Мирсәет Сөнгатуллинның 70 яшьлегенә багышланган иҗат кичәсе була. Ул район мәдәният йортында 18 сәгатьтә башлана. Бу хакта «Әлки хәбәрләре» сайтында хәбәр ителә.
Концертта Мирсәет Сөнгатуллиның иҗатташ дусты, Татарстанның атказанган сәнгать остасы, сатирик, җырчы, конфирансье Алмаз Хәмзин һәм юбилярның улы, Мәскәүдәге Зур театр артисты Алмаз Сөнгатуллин катнашачак.
«Тиздән Мирсәет Сөнгатуллинның 70 яшьлегенә багышланган шактый саллы китап дөнья күрергә җыена. Якташыбызның юбилее уңаеннан төп чара 8 октябрьдә Казанда Габдулла Тукай исемендәге Татарстан дәүләт филармониясендә үтәчәк», диелгән хәбәрдә.