Россия валютасының арзанаюы илнең макроикътисади тотрыклылыгы өчен куркыныч түгел. Бу агымдагы конъюнктура белән бәйле, дип искәртте Кремльнең рәсми вәкиле Дмитрий Песков. RT телеканалы шул хакта хәбәр итә.
Ул билгеләп үткәнчә, Россия Президенты Владимир Путин Премьер-министр Михаил Мишустин белән очрашуда Россия икътисады күрсәткечләрен бик югары бәяләгән.
«Калган барысы да агымдагы конъюнктура белән бәйле», - диде Песков.
Кремль вәкиле шулай ук Путинның Россия валютасының курсы үзгәреп торуга бәйле бернинди дә киңәшмә үткәрергә ниятләмәве хакында хәбәр итте.
Искәртеп узабыз, кичә Песков чит ил валюталарының Россия акчасына карата бәясе арту биржадагы спекуляцияләр белән бәйле дип белдергән иде.
