Биш елдан соң, 2028 елда, Татарстанда 14-35 яшьлек кешеләр саны кимиячәк, дип белдерде социология фәннәре докторы, Татарстан Республикасы Фәннәр академиясенең Гаилә һәм демография үзәге директоры Чулпан Илдарханова.
«2028 елда республикада 14-35 яшьлек яшьләрнең 100 мең кешегә кимүе көтелә», – дип билгеләп үтте ул «Татарстан 24» телеканалына биргән интервьюсында.
Әмма 2028 елдан соң Татарстанда туучылар санының артуы көтелә, демографик үсеш перспективалары 2038 елга да бар, дип өстәде ул.