Байкалда Еланцы бистәсе янында 4,7 магнитудалы җир тетрәү теркәлгән. Бу хакта РИА Новости агентлыгы Россия Фәннәр академиясенең Себер бүлеге Бердәм геофизика хезмәтенең Байкал филиалы җитәкчесе Елена Кобелевага сылтама белән хәбәр итә.
«Энергетик классы – 12,3, магнитудасы – 4,7, җир тетрәү үзәгенең интенсивлыгы – Байкал уртасында, Еланцы бистәсеннән көньякка таба 20 километрга якын ераклыкта – 6,4 балл», - дип хәбәр итте Кобелева.
Иркутскида 3-4 баллы җир тетрәү теркәлгән.
Гадәттән тыш хәлләр министрлыгы мәгълүматлары буенча, җимерелгән корылмалар юк. Инфраструктура объектлары гадәти режимда эшли.
