Татарстан Республикасы мөселманнары Диния нәзарәте җитәкчелеге һәм коллективы ТНВ режиссеры Рифат Йосыповның вафат булуы сәбәпле, аның якыннары һәм туганнарының тирән кайгысын уртаклаша.
«Аллаһы Тәгалә Рифат Вәкил улына Үзенең рәхмәт-шәфкатен насыйп итсен, гөнаһларын ярлыкасын һәм оҗмах белән бүләкләсен иде. Әмин», диелә ТР Диния нәзарәте сайтында кайгынамәдә.
Рифәт Йосыпов кичә вафат булды. Хушлашу бүген «Казан нуры» мәчетендә булачак.
1988 елдан 2022 елның сентябренә кадәр телевидениедә эшләде, соңгы 20 елда «Нәсыйхәт» телевизион тапшыруының режиссеры иде. Көз, сәламәтлеге белән проблемалар булу сәбәпле, телевидениедән эштән киткән булган.
