(Казан, 25 декабрь, «Татар-информ»). Россиядә коронавирус инфекциясенә каршы коллектив иммунитет 60, 4 процент булган. «24 декабрьгә булган мәгълүматлар буенча 77 876 905 кеше вакцинаның беренче компонентын, ә тулы циклны 73 106 249 кеше ясаткан. Россиядә коллектив иммунитет 60,4 процент тәшкил итә», дип китерә «Известия» Россия Хөкүмәте Рәисенең урынбасары Татьяна Голикова сүзләрен. Россия Президенты Владимир Путин ел саен үткәрелә торган йомгаклау конференциясендә илдә коронавиурс инфекциясенә каршы көрәш өчен иммунитет җитәрлек дәрәҗәдә түгел дигән иде.