(Казан, 31 гыйнвар, «Татар-информ»). 4 мартта Мостай Кәримнең шул исемдәге повесте буенча «Отряд Таганок» фильмы киң прокатка чыга. «Башинформ» фильм турында биш кызыклы фактны атады. Фильм төшерү 2018 елда башлана һәм бер елга якын дәвам итә. Кастингны 500дән артык яшь актерүткән. Нәтиҗәдә Илдар Биккулов (Габдулла), Руслан Кадаев (Айдар), Арслан Галиев (вәзир), Ильяс Киньябулатов (Якуп) сайлап алына. Малайларның актерлык тәҗрибәсе юк. Фильмның төп төшерүләре Башкортстан Республикасының Гафури районы Толпар авылында узган. Фильм башкорт телендә төшерелгән. Аны башкорт телен белмәгән тамашачылар да карый алсын өчен, тулысынча кабатланган рус телендәге версиясе булдырылган. Рус теленә дубляж Санкт-Петербургта, профессиональ актерлар катнашында «Мельница» студиясендә ясалган. Халыкара фестивальләрдә катнашу өчен шулай ук инглиз һәм рус субтитрлары белән вариант бар. Фильм беренче тапкыр 2019 елның көзендә Башкортстанның халык шагыйре Мостай Кәримнең тууына 100 ел тулуны бәйрәм итү кысаларында премьера алдыннан күрсәтелде.
