(Казан, 11 декабрь, «Татар-информ»). Арчадагы «Казан арты» музеенда Татарстаннын халык язучысы Мөхәммәт Мәһдиевнең тууына 90 ел тулуга багышланган әдәби кичә узды. Бу хакта ТР Язучылар берлеге хәбәр итә.
Әлеге чарага Казаннан әдипнең кызы, галимә, тәрҗемәче, язучы-прозаик, Татарстан Фәннәр академиясенең фәнни оештыру бүлеге мөдире Гәүһәр Хәсәнова-Мәһдиева белән язучы-прозаик, «Казан утлары» журналының баш мөхәррир урынбасары Вакыйф Нуриев кайтты.