(Казан, 9 декабрь, «Татар-информ»). 15 декабрьдә Мәскәүдә Россия Армиясенең Үзәк академик театрында буш залда Әлмәт командасы катнашында КВН уены узачак. Бу турыда «Знамя труда» хәбәр итә. Әлмәтнең «Татнефть» җыелма командасы белән Армавирдан «Русская дорога», Ставропольдан «Михаил Дудиков», шулай ук Снежногорск шәһәре командасы җиңү өчен сынашачак. Коронавирус таралу куркынычы булы сәбәпле, тамашачылардан башка гына уен үткәрү турында карар кабул ителгән. Октябрьдә Әлмәт артистларына Вячеслав Муругов, Пелагея, Юлий Гусман, Константин Эрнст, Михаил Галустян һәм Валдис Пельш бәя бирде. Ул вакытта Әлмәт командасы финалга узды. 2019 елда Әлмәт командасы КВН югары лигасында икенче урын алды.