(Казан, 25 июль, «Татар-информ»). 26 июльдә Татарстанда алмашынучан болытлы һава торышы булачак. Кыска вакытлы яңгыр явачак. Кайбер районнарда яшен булырга мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.
Төньяк-көнбатыштан уртача тизлектә, яшен вакытында 15-18 метр тизлектә җил исүе ихтимал. Төнлә һава температурасы +9. +14˚, көндез +19. +24˚ булачак.