(Казан, 10 июль, «Татар-информ», « Шәһи Чаллы»). Чаллы шахматчылары Аргентина командасын җиңгән. Бу хакта җирле басма яза. Чаллы данын «Этюд» спорт мәктәбендә тәрбияләнүчеләр яклады, Аргентина җыелма командасы «Ла Пунта» университеты тарафыннан формалаштырылды. Аргентина командасын гроссмейстер Клаудия Амура, Чаллыны иң титуллы шахматчы — ФИДЕ мастеры Зәринә Шәфигуллина җитәкләде, диелә хәбәрдә. Бер сәгатьлек уен Чаллы командасының җиңүе белән тәмамланды, матч нәтиҗәсе 149га 92.