(Казан, 23 ноябрь, «Татар-информ»). Лондонда Абай әсәрләренең сирәк фондын тәкъдим итәчәкләр. Бу хакта «Казинформ» агентлыгы хәбәр итә.
<~>Мәшһүр казах шагыйре Абайның тууына 175 ел тулу уңаеннан барлыгы 560 чара үткәрү планлаштырыла. Шул исәптән Бөекбритания, Россия, Төркия, Польша һәм Кытайда 24 халыкара чара, республика күләмендәге – 21 һәм өлкә күләмендәге 515 чара үткәрү күздә тотыла.
<~>Юбилей чараларының төп максаты – Абайның күпкырлы фәлсәфи һәм иҗади мирасын ачу аркылы дөнья җәмәгатьчелегенә Казахстанның гуманизмның югары идеалларына, дуслыкка тугры, дөньяга ачык булуын күрсәтү.
<~>Абай мирасын тикшерүне дәвам итү өчен бөек шагыйрьнең иҗатын тирәнтен өйрәнүдә махсус фәнни программа эшләү, шулай ук фәнни хезмәтләр, фотоальбомнар, музей каталоглары нәшер итү күздә тотыла.
<~>