Time Amerika jurnalı 2022 yılınıñ eñ nufuzlı 100 adamı cedveline Ukrayina prezidenti Voldımır Zelenskıy, Ukrayina Silâlı Quvetleriniñ Baş komandanı Valeriy Zalujnıy ve "Ukrayina Aqiqatı" neşriniñ baş muarriri Sevgil Musayevanı kirsetti.
"Liderler" kategoriyasında Zelenskıy ve Zalujnıydan ğayrı ABD prezidenti Jo Biden, Rusiye prezidenti Vladimir Putin, Çin prezidenti Si Tszinpin, Avropa komissiyasınıñ başı Ursula fon der Lâyyen, Almaniya kantsleri Olaf Şolts yer aldılar.
Volodımır Zelenskıy aqqında seslenüv yazdı. O, Zelenskıynıñ sımasında Ukrayina halqınıñ cesareti ve metanetine lâyıq lider bar olğanını qayd etti.
"Er sefer laf etkenimiz zaman men prezident Zelenskıynıñ sesinden halqı ögünde borcuna teren inanğan ve bu qara ve qıyın vaqıtta memleketine yolbaşçılıq etmek kibi tantanalı borcunı er kün yerine ketirgen bir insannıñ sarsılmaz qaytiligini eşitem", - dedi ABD prezidenti.
Putin aqqında metinni Rusiye muhalefetçisi Aleksey Navalnıy yazdı.
"Belki de Vladimir Putinniñ asıl missiyası ders bermektir. Er keske - dünya liderlerinden ve ekspertlerden başlap adiy adamlarğa qadar. O, bunı 2022 senesi hususan yahşı becerdi. O, bir daa bizge hatırlattı ki, "kiçik saylav sahtekârdığı" ile başlanğan yol daima diktatorlıq ile yekünlene. Diktotorlıq ise daima cenkke ketire. Bu dersni unutmamaq kerek edik", - dep qayd etti o.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
