Qırımda siyasiy mabüslerniñ ükümleriniñ umumiy müddeti 1064 yıl 2 ayğa arttı. Bunı "QırımSOS" aq qoruyıcı teşkilâtınıñ talilcisi Yevgeniy Yaroşenko haber etti.
"Daa beş qırımtatarğa üküm çıqarıldı, olar umumen 62 yılğa mahküm etildi. Bundan soñra işğal etilgen Qırımda siyasiy sebeplerden taqip qurbanlarınıñ umumiy apis müddeti 1064 yıl 2 aydır", - dedi Yaroşenko.
Söz Rostov-na-Donu Cenübiy bölügesiniñ arbiy mahkemesi mahkemecisiniñ qararı aqqındadır. O, Rusiyede yasaq etilgen "Hizb ut-Tahrir" teşkilâtında dersiñ iştirak etkenii ile qabaatlanğan beş qırımtatarğa üküm çıqardı. Bilâl Adilov, Tofik Abdulgaziyev, Vladlen Abdulkadırov, İzzet Abdullayev ve Mecit Abdurahmanov umumen 62 yıl apis cezasına mahküm etildiler.
"RF Qırımda işğalcilerniñ areketleri ile razı olmağan qırımtatar faallerini, aq qoruyıcılarnı, diniy erbaplarnı taqip etmek içün öz qnunlarını qullana. İnsanlarnıñ çoqusı işğalciler tarafından "Hizb ut-Tahrir" davaları adlandırılğan cinayetlerde qabaatlanıp mahküm etildi - 61 siyasiy mabüs 19 yılğa qadar apis cezalarına mahküm etildi, daa 24 mahkeme qararlarını bekley", - aytıp berdi Yaroşenko.
"QırımSOS" teşkilâtınıñ malümatına köre, 2022 senesi mayıs ayınace işğal etilgen Qırımda siyasiy sebeplerden 142 adam taqip etile, olardan 123-ü apis etilgen.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
