Qırımtatar yırcısı Aliye Hacabadinova «Ğolos krayını» («Memleketniñ sesi») istidat şousınıñ yayınında ana tilinde yırladı.
Hacabadinova sanağa milliy qıyafette çıqıp, «gizli diñlevde» Bağçalarda kestane türküsini ayttı. Dört jüri azasından üçü aylandı.
Aliye Hacabadinovanıñ aytqanına köre, o, işğal etilgen Qırımdan Kyivge köçmege mecbur oldı.
«Ana-babam Qırımda qaldı. Olar Qırımdan ketmeycekler, çünki sürgünlikten soñ Qırımğa qaytmaq pek zor edi. Olar uzun vaqıt qaytqan edi. Şunıñ içün qırımtatarlar Qırımdan ketmeycekler – bu bizim toprağımız», – dep qayd etti Aliye Hacabadinova.