Kyivdeki «Ar-Rahma» camisinde iyülniñ 20-nde musulmanlar büyük bayramlardan biri olğan Qurban bayramını qayd etti. Bu aqta Qırım.Aqiqat mühbiri haber ete.
Ukraina yuqarı müftisi Ahmed Tamim Ukraina musulmanları diniy idaresi adından dindaşlarını bayramnen tebrikledi.
Camide bayram namazı ve festival keçirildi. Bir qaç biñ musulman bayramnı qayd etmek içün toplaştı.
Mühbirniñ malümatına köre, bir kün ögüne oraza tutqan bir qaç yüz musulman Kyivdeki «Ar-Rahma» camisiniñ azbarında toplaştı. Ukraina musulmanları diniy idaresi aqşam aşını ve ziyafet azırladı.
Ukraina prezidenti Volodımır Zelenskıy musulmanlarnıñ Qurban bayramını tebriklep, eyilik ve amanlıq tiledi. Ukraina ombudsmanı Lüdmila Denisova Qurban bayramında Rusiye apsinde tutulğan qırımtatarlar aqqında hatırlattı.
Qurban bayramı – musulmanlarnıñ eñ büyük bayramlarından biri olıp, Mekkege acılıqnıñ soñuna kelgenini temsil ete. Oraza Bayramından 70 kün keçken soñ qayd etile.
Qurban Bayramı büyük meydanlarda cemaat ile qılınğan bayram namazından başlana ve ondan soñ qurban çalına. Bu ananeniñ tamırları Allahnıñ İbraim peyğamberge oğlu İsmailni qurban ketirmege bermeyip, qoynı kesmege buyurıp toqtatqanından kele.
