«Sovetler apishanesinde Yañı yıl menim içün kerçek bir felâket olğan edi» – Cemilev
«Yañı yıl ve diger sovet bayramları menim içün kerçek bir felâket olğan edi. Bayramlar ögüne tintüvler keçirile edi. Er şey darma-dağın etile edi. Er bayram öyle edi. Er şeyni «saylamaqtan» ğayrı, olar bütün ayvanlarnı – meselâ, lagerdeki mışıqlarnı alıp kete ediler. Bazı vaqıtlarnı olarnı yaqa ediler. Sovetlerniñ adetleri… Meni ya da lagerde bir tesiri olğan insanlarnı izolâtorğa qapata ediler. İzolâtorda keçirmegen bayramlarımnı hatırlamayım», – dedi Cemilev.
Onıñ aytqanına köre, bayram kününi adiy künden tek «kotlet ya da yağlı şorba berilgen bayram yemegi» ayırğan edi.
Mustafa Cemilev – qırımtatar halqınıñ lideri, dissident, aq qorçalayıcı. 1966 senesinden 1983 senesine qadar altı kere apiske alınğan edi. «Sovetler qurumını aqaretlegen fikirlerni aydınlatqanı içün» umumen 15 yıl apiste yattı. Cemilev Omsk apishanesinde 303 kün açlıq tutıp, 1986 senesi azatlıqqa çıqtı.