Herson vilâyetinde Qırım sakinleri içün biometrik pasport berecek daa bir yer açıldı
Haber etilgenine köre, Qırım MC Ukraina prezidenti daimiy temsilcisiniñ birinci muavini İzet Gdanov bu odanıñ açılğanıñ muim olğanını qayd ete, çünki onıñ sözlerine köre, ilhaq etilgen Qırımda yaşağan Ukraina vatandaşlarınıñ ekseriyeti hızmet almaq maqsadınen hususan Herson vilâyetine muracaat ete ekenler.
Ayrıca İzet Gdanov temsilcilik «memuriy hızmet bergen merkezlerniñ artması içün elinden kelgenini yapqanını» qayd etti.
Mevzu bağlı olaraq: Pasport almaq içün nevbetler: Qırım sakinleri ukrain vesiqalarını nasıl almalı
2018 senesi beş ay içinde Herson vilâyeti Ukraina migratsion hızmeti çetel pasportı almaq istegen Qırım sakinlerinden 10 biñ dabne muracaat aldı dep ikâye etti Qırım.Aqiqat Radiosı efirinde Herson vilâyeti Ukraina Migratsion baş hızmetiniñ ictimaiy bağlar üyken mutehassısı Viktoriya Magdıç.
Ukraina migratsion hızmeti yanvar ayında ukrainalılar 4 millionğa yaqın biometrik pasporet yaptırğanları aqqında haber etti.
2017 senesi iyünniñ 11-nde Ukraina vatandaşları içün AB ve «şengen» devletlerine qısqa muddetli seferlerge izin berildi (er 180 kün devamında çalışmağa aq bermegen 90 künlik ziyaret aqqı). Vizasız rejim Büyük Britaniye ve İrlandiyadan ğayrı Avropa Birliginiñ bütün azaları ve «şengen zonasına» kirgen devletlernen bağlı. Şimdilik bu rejimniñ Felemenk ve Frenkistannıñ «uzaq deñizlerdeki mülkiyetlerinen» alâqası yoq.