Çubarov: «Ğayıp olğan Ervin İbragimov yaşay ve küreşmege devam ete»
Bu aqta o, mayısnıñ 27-nde Kyivde Ervin İbragimovqa qol tutmaq maqsadınen keçirilgen futbol matçınıñ başındaki kiriş sözünde ayttı.
«Onı alıp qaçqanlarında o 31 yaşında edi. Artıq eki yıldan berli ondan iç bir haber alamaymız. Bizler o yaşay ve küreşmege devam ete degen fikirge bazanamız. Erte-keç epimiz qaytırmız. Bizler ille ki Ervinniñ ve başqa semetdeşlerimizniñ qaytqanını da körermiz. Bizler ille ki Qırımda olurmız», – dedi Çubarov.
Bütündünya Qırımtatar Kongressi icra şurasınıñ azası Ervin İbragimov 2016 senesi mayıs ayında Bağçasarayda belgisiz insanlar tarafından hırsızlandı. Video nezaret kamerası Rusiye yol inspektorları urbasındaki eki kişi İbragimovnıñ maşinasını toqtatıp, onı mikroavtobusqa çekip kirsetkenini qayd ete.
Qırım uquqimaye gruppası bu hızrsızlıqqa rusiyeli akimiyet ya da paramillitar gruppalarnıñ alâqası bar olğanını iddia ete.
Qırımdaki Rusiye Taqiqat komitetiniñ Rusiye idaresi hırsızlıq boyunca cinayet işi asqan olsa da, ale bu küngece Ervin İbraimov ne yerde olğanına dair malümat yoqtır.