Ekzit-pollar: Azerbaycan prezidenti saylavında Aliyev yeñe

Ekzit-pollarnıñ malümatları, Azerbaycan prezidentiniñ sıradan tış saylavında İlham Aliyevniñ ğalebe qazanğanına şaatlıq eteler.


Soravlarnıñ neticelerine köre, Aliyev seslerniñ 80 faizinden ziyadesini alayatır.


Merkeziy saylav komissiyasınıñ malümatına köre, saylavğa kelüv aman-aman 70 faizini teşkil etti.


Azerbaycannıñ esas muhalefet fırqaları saylavda iştirak etmeyler. Olar, sahteleştirmelerniñ ihtimalı olağanı içün rey berüvni boykot etmege davet etti.


Human Rights Watch halqara aq-uquq qorçalayıcıları teşkilâtı, «kerçek saylav» içün imkân bermey, dep, rey berüvni tenqit etti.


Azerbaycannıñ muhalefet küçleri ve bunıñ kibi de Ğarp ukümetleri ve aq-uquq qorçalayıcılarınıñ gruppaları Aliyevniñ ukümetini mustaqil kütleviy haber vastaları, jurnalistler ve muhalefet siyasetçileri ve faaliyetçilerini taqip etkeni içün tenqit eteler.


Aliyev bundan evel prezident saylavlarında üç kere yeñdi (2003, 2008 ve 2013 senelerinde).


2016 senesinde Azerbaycanda ülkeniñ anayasasına deñişmeler kirsetilmesi boyunca referendum keçti, ve prezidentniñ akimiyette bulunması muddeti beş yıldan yedi yılğa qadar arttırıldı.


İlham Aliyev 2003 seneside, ülkeni 1993 senesinden başlap idare etken babası Heydar Aliyevniñ ölüminden az evel akimiyetke keldi.