Çubarov ukrainlerni Noel ile tebrikledi: «Biz mutlaqa Qırımnı azat etermiz»
Bunı Çuvarov yanvarniñ 6-sında özüniñ Facebookında yazdı.
O: «Bizge ecdatlarımızdan miras olıp qalğan din ile er birimizniñ öz toprağı, medeniyeti, tili ve ananelerine sevgi mustaqil Ukraina devletiniñ saqlanıp qalması ve quvetlenmesi içün eñ muim faktorlardır. Bu hasiyetler sayesinde biz mutlaqa Qırımnı rusiyeli işğalcilerden azat eter ve Ukrainanıñ topraq bütünligini tiklermiz. Barsın, bu künlerde er evge ve er insannıñ göñlüne tınçlıq, merhamet ve sevgi ensin», – deye qayd etti.
Ukrainada Noel Yulian taqvimine köre endi bir qaç yıldan berli devlet bayramıdır. Eki afta evel Ukraina Noelni, devlet bayramı olaraq, hristian dünyasınıñ büyük qısmı kibi Grigorian taqvimi boyunca da qayd etti.