Kefede tibbiyet hadimleri yetişmeme meselesi pek keskin tura- şeer tibbiyet merkezi
«Kadrlar meselesinde büyük problema bar. Bu esasen tar saa mütehassıslarınen bağlı. Meselâ, onkologqa qayd etilgen 6 biñ hastamız bar, amma bütün Kefege o bir özü baqa. Bütün şeer boyunca bir köz ekimi, bir nevrapotolog, mahalliy terapevt ve pediatrlarlarnıñ sayısı ihtiyacımıznıñ yarısıbile qapatmay, revmatolog, ebanay-ginekolog, bala nevrologları, cerrah, travmotolog ve kardiologlar kerek», – dep sıralay Fomenko.
Onıñ sözlerine köre, şimdiki zamanda tar saada çalışğan mütehassısqa kirmek içün hasta öz nevbetini eki aftadan başlap, bir ayğace beklemek kerek.
«Kadrlar problemasını çezmek içün cumhuriyet yolbaşçısı mutehassıslarnı esas topraqtan çağırıp, mesken masarflarını qarşılamaqnı teklif etken edi. Eger bu mesele çezilse, biz kadrlar yetişmemesi meselesini qapatqan olurmız. Ondan da ğayrı, kelecek seneden başlap, bizim aylıqlarımız bayağı köterilmek kerek, onıñ içün adamalar işke kelir, dep belleyim», – dep qayd ete Fomenko.
Rusiye vatandaşları mevburiy tibbiy sigorta vastasınen devlet ve şeer tibbiy muessiselerine muracaat etkende pek uzun muddet beklegenlerine (bularnıñ 56 faizi bu öz başından keçirgen), oñaytsız şartlar (42 faiz), kerek alet ve donatma, ilac ve saire (40 faiz dep qayd ete qomşu Rusiye sakinleri), professional olmağan ekimler, yañlış qoyulğan diagnoz ve saylânğan tedavi usulı (soralğanlarnıñ 37 faizi qarşılaşqan)boyunca şikâyet eteler. Bütünrusiye ictimaiy fikir ögrenüv merkezi (VTSİOM) sorav neticesi bunı köstere.