Türkmen baş diplomaty Azerbaýjanyň prezidenti bilen duşuşdy
3-nji iýulda Türkmenistanyň daşary işler ministri Raşid Meredow Azerbaýjanyň prezidenti Ylham Alyýew bilen duşuşdy. Bu Hankendi şäherinde geçirilýän Ykdysady hyzmatdaşlyk guramasynyň 17-nji sammitiniň çäklerinde geçirildi.
Türkmenistanyň Daşary işler ministrliginiň maglumatyna görä, duşuşykda iki ýurduň arasyndaky ikitaraplaýyn hyzmatdaşlygyň möhüm taraplary ara alnyp maslahatlaşylypdyr.
Söwda-ykdysady, energetika we ulag-aragatnaşyk pudaklarynda hyzmatdaşlygy giňeltmäge aýratyn üns berildi diýip, resmi beýanatda bellenilýär.