Kurtkasyndaky "satira jenaýat däl" diýen ýazgyny görkezen aktiwist tussag edildi
Aktiwist şu gün özüniň "Satira jenaýat däl" diýen ýazgyly kurtkasyny görkezipdir.
Neşir wakanyň bolan ýerine bada-bat häkimligiň, polisiýanyň we prokuraturanyň işgärleriniň gelendigini we onuň "rugsat alynmadyk hereketlerini" bes etmegini talap edendigini belleýär.
Zinçenko hökümet işgärlerine "munuň piket ýa-da miting däl-de, eýsem spektakl, tomaşa" bolandygyny, "QazNews24" neşiriniň Almtyda tussag edilen awtory Temirlan Ensebeke raýdaşlyk bildirmäge synanyşykdygyny düşündirdi.
Zinçenko tomaşa görkezmek üçin bu ýeri saýlap almagynyň sebäbini düşündirip, teatrda häzir 20-nji asyryň syýasy tussaglarynyň türmesi barada döredilen "ALŽIR" spektaklynyň görkezilýändigini aýtdy.