Gazagystanyň öňki prezidentiniň agtygy esasy aragatnaşyk kompaniýasyny ele alýar

Transtelekom, Gazagystanyň esasy telekommunikasiýa operatorlarynyň paýdarlary Gazagystanyň öňki prezidenti Nursoltan Nazarbaýewiň agtygy Nurali Aliýewi kompaniýanyň direktorlar geňeşiniň başlygy wezipesine saýlady diýip, Gazgystanyň emläk biržasy 31-nji iýulda, giçlik habar berdi.


Bu habar prezident Kasym-Žomart Tokaýewiň Nazarbaýewiň garyndaşparazlyk syýasatyny aç-açan ýazgarýan wagtyna gabat geldi. Tokaýew Gazagystanda 2022-nji ýylyň ýanwarynda bolan görlüp-eşidilmedik halk protestlerinden soň öňki prezidenti we onuň hökümetde, howpsuzlyk edaralarynda we girdejili energiýa kompaniýalarynda işleýän ýakyn garyndaşlaryny nyşana aldy.


Nazarbaýewiň käbir garyndaşlary korrupsiýada aýyplanyp, türme tussaglygyna höküm edildi.