Eýranyň ýokary ýolbaşçysy Aýatolla Ali Hameneýi soňky dört aýyň dowamynda ýurduň çar künjeginde ýüzlerçe mekdep okuwçysyna degen kesel tolkunyny "bagyşlap bolmajak jenaýat" diýip atlandyrdy we jogapkärleriň "agyr jezalandyrylmalydygyny" aýtdy.
Düşündirilmedik keselçilik ýaş aýal-gyzlaryň köpüsiniň hassahana ýerleşdirilmegine sebäp bolup, ene-atalaryň we giň jemgyýetçiligiň aýallaryň hukuklarynyň we kanunyň hökmürowanlygynyň bozulmagyna garşy bildirilen protestlerinden soň görlen repressiw çäreleriň arasynda dörän dartgynlylykda, häkimiýetleriň bu näsaglygyň sebäplerini anyklap bilmezligine barha kän gahar-gazap bildirilmegine alyp geldi.
"Häkimiýetler okuwçylaryň zäherlenmegi meselesine çynlakaý çemeleşmeli" diýip, döwlet habar beriş serişdeleri 6-njy martda Hameneýiniň sözlerine salgylanyp aýtdy.
Hameneýi ozal bolup geçýän wakalary suratlandyrmak üçin zäherlenmek sözüni açyk gürrüň edende bir gezek hem ulanmandy.
Halkyň gahar-gazabynyň hepde ahyrynda hem köşeşmezligi netijesinde, berilýän habarlara görä, häkimiýetler Kum şäherinde, bu tendensiýanyň merkezleriniň birinde bir žurnalisti tussag etmek bilen çäre gördüler.
“Qom News” web sahypasynyň žurnalisti Ali Purtabatabaei bolýan zatlaryň işjeňlik bilen habar berýärdi.
