Mirziýoýew: "Köp adam metbugaty ýapmagy maslahat berýär, men muny etmerin"
Özbegistanyň prezidenti Şawkat Mirziýoýew Kaşkadarýa sebitiniň Karşi etrabynda ýerleşýän 71-nji mekdebe sapar eden wagtynda, özüniň metbugata goldaw berýändigini ýene bir gezek nygtady diýip, onuň metbugat sekretary Şerzod Asadow ýerli metbugata aýtdy.
“Biz ýapyk ýurt bolup, metbugaty goldamandygymyz üçin halkyň adalatly sesini eşitmedik. Eşitmedik. Azatlygyň demi ýaraýarmy? Maňa ýaraýar. Hawa, maňa beýle ýagdaýda işlemek çylşyrymlyrak. Emma maňa: “Ýap” diýýärler. Men ýapjak däl. Öňküsi ýaly, prokuror we Milli howpsuzlyk gullugy barlagçylar bolsunmy? Biz öz maksatlarymyza ýetdikmi?" diýip, prezident sorag berdi.
Döwlet baştutany metbugat bilen “dostlaşmagyň” zerurdygyny belledi we özüniň her gün habarlar bilen tanyşýandygyny, olardan obalara, mekdebe, bilim pudagyna peýda ýetse, has gowy boljakdygyny aýtdy.
“Men her gün okaýaryn, şol sanda interneti hem gözden salmaýaryn. Mümkinçiligime görä, munuň üçin iki sagat wagt bölýärin, elime galam alyp, özüm üçin bellik edýärin. 10 pikirden 9-sy dogry. Bu dogry ugurmy? Dogry" diýip, özbek prezidenti aýtdy.