Türkmenistanyň prezidenti Serdar Berdimuhamedow, iki gün arakesme bilen, dört günüň dowamynda ikinji gezek Mary welaýatyna sapar etdi. Azatlyk Radiosynyň habarçylarynyň we ýagdaýdan habarly çeşmeleriniň maglumatyna görä, muňa häkimiýetleriň Garagum we Murgap derýalarynyň suwunyň doňmagy zerarly ilat arasynda Mary GRES diýilýän elektrik stansiýasynyň işiniň togtamak ähtimallygy bilen baglylykda aladalary sebäp boldy.
